【港獨殺無赦？】不忿葉劉背後插刀 何君堯深夜直播一小時反駁指控

立法會議員何君堯周二深夜在facebook舉行直播，為自己日前在公開集會中附和鄉事派曾樹和稱要對港獨份子「殺無赦」的言論解畫。他指當日在場人士都對港獨「敵慨同仇」，「嘉賓上台講嘢，我聽到認同嘅我就附和，等如其他人拍掌一樣」，強調自己與鼓吹違法達義的人「有不共戴天之仇」，並無挑起用武力、知法犯法的意圖。何認為批評者只是對他施以「文字獄」，自己樂意接受挑戰，「你夠膽就放馬過嚟」，又堅拒為自己的言行道歉，「因為我嘅出發點是對的」。

何君堯深夜12點喺fb進行長達一小時的直播，一開始形容「殺無赦」論是一石激起千層浪，「一個『殺』字引起社會咁大討論，我唔鍾意語言暴力，亦都唔鼓吹暴力。」他形容自己是性情中人，而曾樹和「比我更加真性情啦！佢唔係點掩飾。佢講話『殺』，但我知佢『殺』嘅意思，你估真係殺咩，唔係。」他稱按自己理解，曾樹和提出的「殺」並非鼓吹以暴力殺人，「如果有人咁睇法的話呢，我覺得好遺憾，遺憾並唔係有惡意嘅原因，只不過係有人有惡意嘅批評」。他不滿22名民主派議員事後聯署譴責他的言論，認為對方未搞清楚事實就急於聯署，形容民主派「陰毒、奸、唔正道」，又譏諷對方和針對他言論報警的人一樣，「呢啲咪即係『黃毒上腦』囉！」他批評民主派對近半個月大學校園港獨標語的事件沒有作出「良心批評、一點態度也沒有」，只得他作為「勇敢的中國人」站出來抨擊，期後他又忽然改用英語自稱：「I’m a very stupid guy, because I come forward to challenge who these vices.」（我是個蠢人，因為我走前挑戰這些惡人）何又不忿被行會成員葉劉淑儀形容為「愚蠢愛國者」，反駁「建制派裡面最蠢嘅何君堯，可以勾出200個偽學、可以一打22個政棍」，認為社會只是槍打出頭鳥，而自己愚蠢地沒有多計較就衝上前，「無計下行咗上前面之後，實際上會唔會有人喺後面插你嘅背，前面要受敵人毒箭，背面又受惡毒嘅刀鋒所插」，他稱自己樂意成為建制派中衝鋒陷陣的人，引領建制派看清前路，「捨身成仁，我也願意去做。」

本新聞由蘋果日報提供